2017 жылғы 15 желтоқсанда ҚР ІІМ Төтенше жағдайлар комитетінде Қазақстан Республикасы Тәуелсіздік күнін мерекелеуге арналған салтанатты іс-шара өтті.
Ішкі істер министрінің орынбасары Юрий Ильин құттықтау сөз сөйлеп, Елбасы Нұрсұлтан Назарбаевтың басшылығымен тәуелсіздік жылдары біздің елімізде өткен ғаламдық өзгерістерді атап өтті. Сонымен қатар Төтенше жағдайлар органдарының ардагерлер кеңесінің төрағасы Келден Есенұлы Абдрахманов және Қазақстан халқы ассамблеясының мүшесі Салман Сайдарович Героев жеке құрамды құттықтады.

2017 жылғы 15 желтоқсанда ҚР ІІМ Төтенше жағдайлар комитетінде Қазақстан Республикасы Тәуелсіздік күнін  мерекелеуге арналған салтанатты жиналыста іздестіру-құтқару операциясын өткізу кезінде қаза тапқан Шығыс өңірлік аэроұтқыр жедел-құтқару жасағының құтқарушысы Елдос Маратұлы Нұрпеисовке «Ерлігі үшін» медалі (қайтыс болғаннан кейін) беріледі. Медаль Астанаға арнайы келген оның жұбайы Жанат Қайдарқызы Нұрпеисоваға берілді.

«Солтүстік Қазақстан облысы Төтенше жағдайлар департаменті Өрт сөндіру және авариялық-құтқару жұмыстары қызметі» ММ өрт сөндіру кезекші қызметінің басшысының орынбасары, жедел кезекші, азаматтық қорғау майоры  Руслан Базарбаев «Ерлігі үшін» медалімен марапатталды. Жоғары мемлекеттік марапатты оған елбасы Нұрсылтан Назарбаевтың өзі табыстады.
 Қазақстан Республикасының Тәуелсіздік күні қарсаңында, 15 желтоқсанда Ақордада ерең еңбегімен және мінсіз қызметімен ерекшеленгендердің   марапаттау рәсімі өтті. Руслан Базарбаев әскери және қызметтік міндеттерін мінсіз атқарғаны, өрт сөндіру және адамдарды құтқарған кезде ерлігі мен жанқиярлық көрсеткені үшін мемлекет басшысының қолынан «Ерлігі үшин» медалін алды.

Подкатегории