Алматы облысының аумағында 2016 жылдың басынан 1215 өрт оқиғасы тіркеліп, өрттерден 124 млн. астам материалдық шығын әкелінді. Өрттерде 25 адам қаза болды, 51 адам әртүрлі дәрежеде жарақат алды.
Талдауға сүйенсек, 2015 жылдың ұқсас кезеңімен салыстырғанда өрттер 2%-ға төмендеген, материалдық шығын көлемі 10%-ға өскен. Қаза болғандар саны 11%-ға төмендеген, өрттерде жарақат алған адамдар саны 46%-ға өскен.
Өрттер көбінесе тұрғын секторда болып отыр, Тұрғын үйлерде 731 өрт оқиғасы тіркелген, бұл барлық өрттер санының 70% құрайды.
Ағымдағы жылдың 15 қазанынан бастап облыстың жеке тұрғын үйлерінде от жағу маусымы басталды яғни тұрғын секторда адамдардың улағыш газдан улануы аса алаңдаушылықты тудырып отыр. Оған себеп тұрғындардың жылыту пештерін орнату және пайдалану кезінде өрт қауіпсіздік ережелерін сақтамау болып отыр.
Қарағанды облысы түлектері арасында Көкшетау техникалық институтын насихаттау мақсатында шахтерлер астанасына КТИ өртті алдын алу кафедрасының профессоры, техника ғылымдарының кандидаты, азаматтық қорғау майоры М.М. Альменбаев келді.
Шара аясында Қарағанды республикалық Т.Бегелдинов атындағы Қарағанды Республикалық әскери мектеп-интернатының, Саран, Теміртау қалаларындағы орта мектептерінің, сонымен қатар №1 және №5 мектеп оқушылары мен Қарағанды техникалық колледжінің студенттерімен кездесті. Сонымен қатар, Көкшетау техникалық институтының өкілі 5 араның «P.S.» бағдарламасына қатысты.
Жас өрендерге КТИ-на түсу туралы ережелер мен түлектерге қойылатын талаптар, сонымен қатар казармадағы өмір мен оқу орнының артықшылықтары айтылды.
Облыс көлемінде өткізіліп жатқан үгіт-насихат сенбілігі Оңтүстік Қазақстан облысы Отырар ауданында жалғасын тапты. Отырар ауданы төтенше жағдайлар бөлімінің қызметкерлері улы газбен уланудың алдын алу мақсатында ауқымды үгіт-насихат жұмыстарын жүргізді.
Жамбыл орта мектебінде мектеп оқушыларының арасында өткізіліп жатқан жарыс кезінде тұрғын үйлердегі өрт қауіпсіздігі қағидалары түсіндірілді. Жалпы жарысқа он үш ауылдық округтерден келген оқушыларға улы газдың иіссіз және түссіз болатындығын, ғимаратта оны байқау мүмкін еместігін ескертіп, мейлінше қауіпсіздік шараларын сақтауға шақырды. Отырар ауданы төтенше жағдайлар бөлімінің аға инженері азаматтық қорғау аға лейтенанты Мейрамхан Кемелханов: «Жылыту маусымы басталар алдында әрбір үй иесі газ және пеш жабдықтарын мұқият тексеруі қажет. Оларды күнделікті өмірде дұрыс пайдаланып, қауіпсіздік шараларын сақтау арқылы қайғылы оқиғалардың алдын аламыз. Себебі, улы газбен уланудың салдарынан жүйке жүйесі мен тыныс алу мүшелері зақымдалады. Ал, зардап шегушіге өз уақытында көмек көрсетілмесе, өліп те кетуі мүмкін»,-деп, алғашқы көмекті қалай көрсету керектігін де түсіндіріп өтті.