sko uchenie 1 2019 жылғы 22 наурызда сағат 15.40-та Петропавл қ.ӨҚҚЖ-ға Нефтепроводная, 15 мекенжайы бойынша орналасқан «Петропавл мұнай базасы» объектісінде өрт туралы хабарлама келіп түсті, онда АИ-92 орналасқан №1 РВС-2000 резервуарында өрт шықты. Бақытымызға орай, өрт шартты болды-өрт-тактикалық оқу-жаттығудың ойы осындай еді. 6 минуттан соң алғашқы өрт сөндіру машинасы мекеме аумағына келіп жетті. Шартты өрт орнына келген бойда «ҰҚКД» МЕӨҚҚ жұмыс істеді. Өрт орнында өрт сөндіру штабы құрылды,6 бірлік негізгі техника мен 1 арнайы техника жұмыс істеді. Шартты өртті сөндіруге «СҚО ТЖД ӨС және АҚЖҚ» ММ жеке құрамынан 26 адам, РС-70 алты оқпаны көрші жанбайтын резервуарларды қорғауға және жанып жатқан резервуарды суытуға берілді. Өрт орнында көбік түзгіштің қажетті қоры құрылып, Пурга-2 оқпанымен көбік шабуылы ұйымдастырылды.

pvl lekcia 2 Суда төтенше жағдайлардың алдын алу мақсатында Павлодар облысы ТЖД Жедел-құтқару жасағының қызметкерлері үнемі үгіт-насихат жұмыстарын жүргізеді. Бұл жұмыс бірнеше бағытта жалпы халықпен және жекелеген санаттармен жұмыс жүргізілуде.
Үгіт-түсіндіру жұмыстарының маңызды бағыттарының бірі балалармен жұмыс болып табылады. Осы мақсатта құтқару жасағының қызметкерлері 15 сәуір мен 22 мамыр аралығында аймақтың жалпы білім беретін мекемелерінде 4638 оқушыны қамтыған 171 дәріс сабағын өткізді.

shym chistka 1 Шымкент қаласының құтқарушылары "Таза су"экологиялық акциясын жүзеге асыруда. Танымал "Тоңазытқыш" демалыс аймағы жақында өз келушілеріне есігін ашады. Жазғы демалыс кезінде қауіпсіздікті қамтамасыз ету үшін құтқарушылар "Тоңазытқыш" демалыс аймағының жағажайы акваториясының түбіне тексеру жүргізді. Бос тұрған уақытта су қоймасының түбі қатты қоқыстанды. Тексеру барысында сүңгуірлер түбінен демалушыларға қауіп төндіруі мүмкін бөтелкелер мен металл бұрыштарды алып шықты.